The New Beginning

Well, My name is Richard A.K.A. chayd. A mobius forum addict, dakilang tambay ng TAVERN. Nagsimula akong naglaro ng MU noong panahon na wala pa akong trabaho, mas mahirap kung iisipin dahil wala akong sariling PC noon at nagnanakaw lang ng pangload sa wallet ng Girlfriend ko at sa benta ni nanay sa maliit naming tindahan. Di ko na maalala kung anong taon iyon pero panahon pa iyon ng BAHR, MAYA at WIGLE. Sadyang napakahirap ng buhay MU nang mga panahon na iyon, level 50 ka lang ang saya saya na, may maliit na grupo at mga kaparty na lagi mong inaabangan tuwing mag-oonline ka. Nagkaroon ng guild sa pamumuno ni Anuthorien na naging online Girlfriend ko pa. Kasama sa guild ang mga naging kaibigan na nakilala ko lang sa DUNGEON 3 na sina, nokie, SNAZZY, KING, lord_king, alzac at yung iba di ko na maalala. Pero alam ko na sila ay magkakasama sa isang shop sa Mindanao. Kasama ko namang naglalaro dito ay sa kabilang server sila, sa Wigle. Tanging si Shinjih(IGN) ang kasama ko sa MAYA. Lumipas ang panahon at sadyang napakahirap magpalevel at ang hirap magkagamit, nawalan na ako ng ganang maglaro. Matagal tagal din akong tumigil at iniwan ang character kong si chayd. Nawala ang Maya at dumating ang TITAN, muli akong naglaro at muli ring tumigil. Minsan nilalog in ng pinsan o pamangkin ng kaibigan kong si Jaypee (morgen) ang account ko kaya naman nakapagsurvive si chayd at buhay hanggang sa dumating ang TAHR server. Madalas ako sa forum ng mobius kahit di na ako naglalaro, buhat ng nagkatrabaho ako, mas nauuna ko pang binubuksan ang mobius forum kaysa sa mga email na dapat kong i-check para sa aming kumpanya. Isang napakagandang balita ang napansin ko sa site ng mobius, ito ay ang SEASON 4. Muling nagising ang dugong dumadaloy kay chayd at parang tinatawagan niya ako para gamitin siyang muli sa SEASON 4. Pinakinggan ko ang kanyang tawag, ngunit dahil sa siya ay isang mahinang character na at panis na panis na kumpara sa mga character ngayon, naisipan kong gumawa ng bagong character at pinangalanan ko itong Josiah isang DARK LORD. Sa blog na ito makikita at mababasa ang kanyang paglalakbay at pagsusumikap na maging isang LORD EMPEROR.